(1887) Amieva
Oh! ¡Zagales probinos! los ponguetos,
Que les cabres vermeyes 'tais curiando
Pe los más enriscaos vericuetos:
Escuchia de mió musa les canciones.
Que rodianon d alloru la mió frente;
Ansí colméis de nates los zurrones.
El Caramiellu sonará del Taxu,
Si quier soplami Apolu algunes troves,
Como les que cantaba Garcilasu.
Al sabrosu tañir de la zamploña.
Como ñon me vengáis apigazando,
Tó cantavos les glories de Piloña.
Pero tamos d Amieva n' el retratu;
Vamos escárbicando les ,oreyes
Que ñon tengo vendelu tan baratu.
Al mundu plasmarán los andurriales,
Donde guían la carpia y la curuxa.
Que dan mieu a los mesmos peñascales:
El estilu terná d' aque toscanu,
Magüer m atolondréis ¡probes babayosl
Como lo manda el númen asturianu.
Aquí la güena Tuxa, allí penosu
Bartolín de Pachona, se quexaron
Po la cabra y rocín que comió 1* osu;
Non se vió-dende Caiz a los Beyos
Conceyu comparan col' de Amieva,
Que puede ser el rey de los concevos:
El furor desatan de los vientos
Da en vanu testeraes a les peñes
. Co los más arreciaos alementos.
Les pirámides, torres y ubeliscos
Que de Menfis un día orgullu fuenon,
D' Amieva comparaos a los riscos.
Son un granín d' arena cab' el monte;
Les azulaes bóvides del cielu
Sostienen al reor del horizonte,
Fácenlu tan coriosu, tan picadu.
Tan raru, tan guapísimu n' estrmu.
Que a los güeyos semeya un almenadu.
Pel mediu de Ios valles y los montes
Lleva el Precendi undosu sos raudales.
Que acrecen los regatos y les fontes.
Tan anchu, jondu, fríu y espumosu.
Per Nápoles non cuerre el Eridanu,
Nin per Grecia el Meandru soberbiosu.
Coronan d' horneros ' ños veranos
Entre sauces, llorones y abedules
Carbayos y ñozales más Ilozanos.
En elli diz que cüéyense les truches,
Cuando el mosquitu piquen engañosu
Del pescador, a bragues muy ensuches.
Del ríu Dobra al términu del Beyu,
Jáyense allí metanos escondíos
los quinientos fogares del conceyú.
Pen, Villaverde, Sina, Emu, Mollera,
Vis, Pervis, Feya-Crespa, Santolaya,
Santobeña y la flor de la ribera,
Matagüés, Vega, Sames, Cien, la Bega,
San Román, la Fresñeda, y Argoliviu
Y Amieva que de un saltu a Carves llega,
Bernaldón de Sebarga ñon ’ el dueñu.
Que si del sol la llumbre non me ciega,
A Ñoriega ’toy viendo yo en Cirueñu.
Más allá la Casona veis apuesta.
En Sames, de García, y la pintada.
Del calondrigu aquel que dicen Cuesta
Y el palaciu d’ Argüeiies más galanu
Alzase rellumbrón en Carmeneru,
Mientres ’na Ferrería ’ta Vulcanu.
En esti suelu fértil se respeta
De fabes y maíz y castañones,
Y piescos y cirueles la coxeta,
Y pavies y nisoles y ablanes.
Ñueces, guindes, castaños y cereces.
Amén de repinaldo les manzanes.
Una nochi, nel picu d’ aquel monte
Diz que baxó la bella cazadora,
Si non ye mentirosu Alcimedonte,
La que buscando ’l so zagal queriu,.
Fayólu ’nun rincón y dioi un besu,
Dexando ’l rapacín adormecíu.
De Collubil atravesai la cuesta.
Per ver de aquellos antros la negrura.
Que á toos meten grima po la cresta.
Guarida del robecu y del raposu.
Del gansu volaor, corciu y venadu.
Del xavalin, del llobu, fuina y osu,
¡Que blanquecinos tan! mirá los güesos,
Que sin duda serán de los romanos,
O de xigantes po ’lo grande y tiésos.
Alli por el intrepidu Viriatu
Prixioneros a’ guerra, dixo Floru,
Que morrieron comíos de un llargatu.
En Sames veo al pie de la colina
Aquel tronu d’ Astrea respetosa,
La diosa del Alcalde pelegrina.
¿Y ñon veis pe les troches de Carambu
Les cutrales, con maníes y zurrones
Ataos con el reyu pel so llombu?
Llamben allí la sal los tarralinos.
Qué polos van paciendo la retama
Xuntos co los alegres cabritinos;
Los que de verde grama y de jelechu,
Dimpues que ya se cansen retozando,
Se tienden á la llarga en blandu lechu.
La reciella, á pastar de la mayada.
Col mastín guarneciu de carranques.
La veremos salir de madrugada.
Y van los zagalinos y les chulés,
Garbosos y pulides y galanes.
Con pañuelos floriaos, roxos y azules,,
Que son muy resalaos y melgueres,
Y les doraes fleches de Copido
Volando van á les que trán monteres
Les cándídes mosquetes y les roses
Que llenan de golores la montaña.
Afrentan les ciudaes populosos.
El doble tratu vil del cortesanu
De ganar aquí baza ’ta seguru,
Qu’ el home de dos cares e’ un villanu...
Desconoz les maldaes el desiertu.
Bien que orieganu tou ñon ’l monte
Y el diablu aqui tamien, anda despierte.
Con el vieyu pastor Aldimedonte.
En curioses llabores los zagales
Tou el día de Dios anden pel monte.
Los que ’tan per equi jácen cayaos
Otros per acullá taces vistoses,
Y cantando sordecen los collaos;
Ayer los vi llabrando yo una diosa
Que llamaben la madre de Cupido,
Muy guapina y gallarda; tan hermosa
Que daba gustu vela; ya les jieces
Güelen, ferviendo ’tan ’na calderona
Donde cuayen la llechi muchos veces,
Míralos rellanaos a’ nos instes.
Que el juebu perdonó, por toos saben
Que dimpués de xintar son los axustes.
—Ca! de Pericón ¿que val la gacha?
Caramba! que cutral! ye grande y pola
Decientes Ilibres pesa, y más ¡caracha!
—-Por nada cambio yo la mió parexa,
—Pero no hay que reñir, ¿val seis doblorttes?"
—Menos de dos medalles ñon se dexa.
. Diz que cinco doblones dande ochu,
Pol toru de Pachón, que ye gallarón,
Y non tien otra tacha que ser mochu.
En tanto aquel pastor del valle amenu
Dos manaes de cabres va guiando:
Sin duda pe les señes, ye Filenu,
Que fai 1’ amor á Lesia, la pastora,
La serrana más bella y pelegrina,
Que un día vieron competir con Flora.
Esta ye la estrellina rellumbrosa
Que mucho ’i gusta ver tan solamente
Al so amante Filenu cariñosa,
Pa desfrutar del monte la frescura
En choces enramaes de Caireles,
De tomillo, de roses y claveles.